وعشت حياتي
وعشت حياتي من غيرها
عافرت في دنيتي لوحدي
وقلت خلاص أكملها
بلاقي الدمع على خدي
عيوني بتبكي من جوه
عشان مش قادر أنساها
واصبح قلبي مش هو
وحاسس إنه وياها
وفجأة يرن تليفوني
واشوف ارقمها قدامي
حبيبتي وروحي وعيوني
تطيب كل أحزاني
واسمع صوتها من تاني
وأنا مش قادر أتكلم
كلامها لسة في وداني
ترحب بيا وتسلم
وتسأل عني عن حالي
وعن أحوالي أخبارها
ومالي ايه اللي جرالي
يارتني بس أكون جارها
أرد وجسمي فيه رعشة
وقلبي يزيد في دقاته
لساني تقيل من الدهشة
وافكاري خلاص ماتو
الو من تاني بتقولها
ارد بشوق وحشتيني
حقيقي الكلمة وبقولها
دي نسمة قلبي نور عيني
تعالي ياعمري حسيني
شوفيني وشوفي أحوالي
وتمشي مرة وتجيني
تخبيني في مكان عالي
قالت لي خلاص ومشيالك
ياحب العمر واحشني
أنا من بدري جيالك
مفيش عنك حاجة تحوشني
ويوم ورا يوم تكلمني
وانا بسمعها للأخر
وتشرح لي تفهمني
ما يوم عني هاتتاخر
ووعدتني وسابتني
وانا سهران ومستنظر
حقيقي بجد حبتني
واشيك نفسي واتمنظر
وفجأة عني تتأخر
يزيد الشك في ظنوني
وأسأل عنها تتعزر
تقول لي العيب في تليفوني
وتقفل خطها نهائي
اروح للوتس ماتردش
دي أخرت حبي ووفائي
ياقلبي كفاية ما تزقش
ما أنا سايبك معاها هناك
وقلت لوحدي اكملها
قالت لي انا كنت بستناك
لكن سيباك تكملها
رجعت أبكي من تاني
وكل جروحي كرهنها
قليلة الأصل بيعاني
وعشت حياتي من غيرها
وعشت حياتي من غيرها
كلمات الشاعر رشدي الامير
