من حكايا الليل
سلّال يا تشرين
متل القضا سلّال يا تشرين
لونك بلون الهم لو يحضر
شيّعت بحضورك كواز التين
والكان أخضر ما بقى أخضر
يا ورد جاك الموت يا مسكين
ما عاد عا دعسة حلو تسهر
ما عاد زرك يجمع حساسين
ما عاد عطرك ع الوما يسكر
صار الورق طاير متل نجمات
لون الدهب يا نجمتي هدي
فيكي العمر عم يلمع مرايات
فيكي العبر للغافل تودي
يا وراق صفرة عبت الساحات
غبرة وجودك للأرض ردي
واللي هجر ما عاد عم شوفو
دشّر وليفو يتم حبابو
لون الفرح مطبوع ع كفوفو
شمعات قلبي ع البعد دابو
ما بريد تشرين الضنى يحوفو
ما بريد يمرق عا شجر غابو
لولا بتلمع بالسما سيوفو
كان العمر بتغيّر ظروفو
بيزهّر النسرين ع جنابو
بقلمي
نسيم ح حنا
