الأكاديمية العربية المغربية للشعر والأدب

الحنين للطيبين
عارف يعنى ايه الحنين
لما حزنك يبقى جواك دفين
تقضى أوقاتك مشتاق
لكن مش عارف مشتاق لمين
تبكى أشواق الحزن بها
وتشارك صاحب الدمع الحزين
سهران مع الفكر والألام
حيران بليل الحيرانين
تعبان يجافيك النوم
ما أطول ليل المهمومين
ويروح العمر مع الأيام
وتتمنى لحظة حنين
يا قلبي اتحمل اصبر
هى كانت صفيت لمين
بالذاكرة ثقب صغير
منه بنطل على الطيبين
نتذكر الأماكن ال فيها
كانت حياتنا والسنين
أطفال نطارد بعضنا
نرتاح تحت شجر الياسمين
نتمنى يجرى عمرنا
نسهر ويا السهرانين
ولما جرى العمر بينا
ووقفنا زى الصفصاف الخزين
تذكرنا أيامنا وليالينا
وحنينا لزمن الطيبين
بقلمى د. عبدالحليم هنداوى أشعار على المتدارك.