قصيدة: صاحب المعالي
صاحب المعالي و السعادة
هتشتريها والا عادة؟
المقام محفوظ يا سيدي
بس مش حد العبادة
ش الله يا قاضي
ش الله يا باشا
ش الله يا أصحاب البيادة
أبوك وخالك وإبن عمك
عارفينه بردو
من السيادة
والناس غلابه
اللي لقمة عيشه فرشة
اللي طافح الكوته عمره
واللي شغال في الحدادة
واللي بيه
بس قرش مش لاقيه
واللي دكتور
بس مش لاقي العيادة
دول غلابه
واللي معاه القرش يحكم
والقوي ياكل في غيرة
بالسفاله والبلادة
هي غابة؟؟؟
البقاء للأقوى دايمًأ
عاش الملك
ما السلطه في إيده والريادة
أيمن فوزي
ليست هناك تعليقات:
إرسال تعليق