توب الرجال
.....................
من يومي لابس توب الرجال
والتوب على قدي
فَصُله الزمن من قديم الازل
جد الجدود ورثاه
وورثته عن جدي
مالي البدن وكَساه
لا عُمره يوم اتقطع
ولا مره علئ مال
أنا توبي أصل وكرم وشهامه
الاسم زي الطبل ليه قيمه وعلامه
حد الرجوله بعيد
مش كل السكك بطاله
كسرة نِفس الاغراب توجعنا
وأرض الكرام بالحب مرابعنا
نسيب للخسيس الحق
بس بهوانا
ويوم نحاسب حد
عليه اليوم ما يعدي
فقيرك يا دنيا عندنا سيدي
نشيله فوق الكتف والزاد على إيدي
يرمي علينا الحمل متطمن
ويوم ينام مرتاح
يوم فرحتي وعيدي
التوب عندنا عالي
رخيص في عين الخلق
عندنا غالي
دا كل خيط ف التوب موال
عاوز راجل حكيم موزون
وكل كلمه تتعاير بميزان
أنا اللي طول العمر مديون
لأبويا ولأهلي
ربيع عبد الظاهر
ليست هناك تعليقات:
إرسال تعليق