انا خارج
انا خارج من عيونك
بدون دموع بدون وداع
ومش واخد من ذكرياتى
معاكى اى شىء يخصنا
ولا حته هاخد معايا شنطة سفر
ولا ناوى اخد معايا حاجه
الا ذاد من حنان وذواده أمل
خارج سرا و قهرا فى عتمة
الليل الغادر بريح قويه
مسافر على ضوء القمر
يمكن اقابل نفوس بهيه
واحتمال مفيش رجوع
اخترت الوحده الغبيه
سيبت بعيونك صور ذكيه
يمكن تفكرك بظلمك و بالأسيه
الحق طلة الشمس بدرى
ولا أصاحب ضوء القمر
احكى للمراكب والمراسى
أن عمر ما كان قلبى قاسى
القسيه كانت من عيونك
المتحجرة اللى صممت
بعناد على القسوه والفراق
اللى عاندت و خالفت الوعود
اللى قتلت حبنا بالجفاء
خارج وانا نادم على اللى فات
بس هانفد باللى باقى من حياه
اتنفس براحتى النسيم الجديد
واعلم الولاد والبنات فى عمر
الزهور أن الحب جميل وبريء
وان البشر هما الظالمين بغدر
أو بقلة صبر أو بصطناع الغباء
أن الحياه اصلها الحب
وان البعاد مرض بالنفوس
محمد فوزى العليمى
ليست هناك تعليقات:
إرسال تعليق