أقــــــوى مـــــن الظـــــــروف ..
_🌳🌲🌳🌲🌳🌲🌳🌲_
مهما كان حلمك بعيد .. بالإراده تحــــققُه!!
المهــم تكـون عنــيد .. عدي يأسك وإسبقُه
انت اقوى من الظروف
في السواد تقدر تشوف
خد مكانك بين ألوف .. إفتح لحلمك وإطلِقُه
..المهم تكون عنيد .......عدي ياسك وأسبقة
******
اوعى تستسلم لضعفك .. و إنت ف بداية الطريق
الأمل خليه ف صفك .. مهما كان بحرك غريق
إزرع القوة ف كيانك ..
واحفر انت اساس مكانك
إستمر أجبر زمانك اسمك ده لازم ينطقُه
*******
شيل من قاموسك مستحيل .. حتى لو صعبة البداية
وإجري بالحمل التقيل .. عدي بيه خط النهاية
اليأس عايزك تنكسر
وبين رحايته تتعصر
وعلشان ما تقدر تنتصر .. اللي ف خيالك إخلقُه
-----------------
إهداء خاص لأخوتي وأخواتي ذوي الهمم
محمد سيف الدين (شاعر و بس)
ليست هناك تعليقات:
إرسال تعليق