===== جنة هواكي ====
تعالي جوه قلبي وادخلي
هتلاقي هنا البراح
تلاقيه مليان بطيبه
وكله رضا وسماح
تشوفي جنتك
وربيع الأزهار
تشوفي ليلك
كأنه ف عز النهار
كله أمل وشموع حواليكي
بتناديكي وبتقولك
أنا هنا ليكي
خلي القلوب ترتاح
ونسمع غناوي
من الطيور علي الشبابيك
بتقول مواويل وصوتها جميل
يرن ف قلب براح
معاها غني وقولي وابدعي
وبصوتي أغنيلك أنا وتسمعي
كل مسا وكل صباح
يارحلة هوي بدينها
مافيش منها اتنين
زغروده حلوه تملي المكان
وتفرح القلب ويا العين
يارب دوم علينا السعادة
و املا حياتنا بالأفراح
تحياتي
صلاح شعبان الفيداوي
القاهرة
٢٠/٣/٢٠٢٢
ليست هناك تعليقات:
إرسال تعليق