بقلم الشاعرة / منى صالح
""""""""““"""“""“““""""““"“"“""""
محتاجه حضنك ياأمى
༺༺꧁꧂༻༻
أما كانت أمى عايشة
كنت بدفى فى حضنها
. كنت بتعافى بحنانها وحبها
.. كنت بشوف الدنيا جنة
وأما أبعد
أو أخبي عنها همي
كنت أدارى وهي جنبي
كات تحس
كات تقول عليا ارمي
كنت بغضب غصب عني
كنت من عنيها بهرب
مش بقرب
كنت بغضب أما تبكي
أما في يوم أسمعها تشكي
كنت ببعد بس عارفه
أيوه عارفة إنى راجعة لحضنها
كنت بتحمل قساوة الدنيا ويابسمه قلبها
كنت بتنفس هواها
كنت بعشق يوم رضاها
وأما كانت
أمى عايشة
كنت بتونس بصوتها
كنت بكره يوم سكوتها
أيوه بكره يوم سكوتها
كنت عايزه انسي فكره
ان بكره هيجي موتها
كنت عايشة بسترها
كان معاها الخير كتير كنز يملي الف بير
كان كلامك البسيط دواء يسكن المريض
كنت عارفة إنك في بيتنا شئ متين
بيساندنا بيعافينا من السنين
كنت بفرح .ايوه بفرح
. لما نتجمع فى قاعدة
ويا أكلة من إديها
ويا ابتسامة عنيها
واما كانت يوم تطبطب
من حننها القلب يفرح
كنت بتهنى بشقاها ..
كنت عايشه من رضاها
.كنت شايفة الدنيا ماشية ..
كنت ناسية .. أيوة ناسية ..
ان فيه يوم للفراق والله ناسية
والله بتموت طعم الحياه في بعدها
عايزه ارمي نفسي في حضنها
والله نفسي
تبقي جنبي واعيش العمر كله أكسب رضاها وحبها
لو تبقي جنبي ياحته مني
مش هاعيش العمر كله واتمني اموت قبلها
والله بتموت طعم الحياة بعدها
بقلم الشاعرة / منى صالح
ليست هناك تعليقات:
إرسال تعليق