( أمي لا ترحلي )
كلمة تقراها من
الشمال لليمين تبهرك
ولو مال عليك
الزمن تسندك
وفي وسط الشدايد
من غيرها ينجدك
ولو ميت الف حب
وحب مفيش
غيرها يفرحك
مين غيرها في
حياتك يسعدك
تنول رضاها٠
وتخوش بحنانها جنتك
فاكرة ياما
وانت قايمة
تعصري بإيدك هدومنا
تمسحي بقلبك دموعنا
تسبقي في الليل زمانا
تندهي عالخير يجلنا
تزرعي في النور املنا
تحضني الم السنين
تحصدي تعب السنين
ما انتي معجونه بحنين
تتروي منه السنين
ينحني قصاده الجبين
ربنا وصي عليكي
في كل حين
خد بالك يابني
من الطيبين
عوضها يابني
عن تعب السنين
فاكره ياما
وانت قايمة
تعصري بإيدك هدومنا
والبرد عايش
في ايدك
يترجف منه في وريدك
تترجف منه الجبال
وانتي خايفه عالعيال
الوجع مليكي
ومخليكي منتش قادرة
بس راضية
كفاية بقه
شيل في همي
ده انتي دايما
كنتي دمي
بلاش دموعك تشتكي
قسوة زماني ودنيتي
نفسي ياما ترفضي
نفسي في حياتك تعرفي
حنيتك فوق قدرتي
ده اللي خلقني ياما
خلا طاعتك
فوق جنتي
سيبيني شوية
اشيل في همي
ولا انتي اتعودتي
تلمي حزني وخوفي
وشويه في المي
لمين بعدك اشكي
عذابي وشكوتي
عشتي ياما تريحيني
بأللام مايتحملهاش
الجبال ترضيني
وبرضه عايزة تسبيني
لا. انا اللي هسيبك
حاجه واحده هتعمليها
ماتقوليش مش
هقدر عليها
خلي قلبك يحس بيها
تبقي واقفة يوم رحيلي
تدعي ربك وتنوليها
رحمتك دخل ابني فيها
ماتبكيش ياما
بقه معقول يااماه
ابقي تعبان
وانتي تتمني نجاتي
ولما تتعبي اتمني ترحلي
لا. انت لازم تفضلي
عن الايام اللي
شوفتيها تفرحي
ماتقوليش انك
مودعانا وفيتانا
عشان الدنيا
واخد انه ولا هيانا
ابدا ده انتي وحشانه
انتي النور اللي
في سمانا
انتي الحب اللي
منه سقيانا
بفراقك ياامي
الدنيا ماعادتشي لازمانا
تأليف//// وائل أصيل
ليست هناك تعليقات:
إرسال تعليق