انا الفارس
انا عارف بأنى ماكنتش الفارس
ولا عيونى بتسحر حد
ولا شعرى بيتسبسب
وكان حالى يادوب على الاد
وكنت فى وسط اصحابى
بينسونى فى ساعه الحظ
ما أنا حالى مكنش يسر
لا مال ولا شكل يشفعلى
لكن جوايه انسان حر
وقفت ابص فى مرايتى
واقول يا مرايتى أه الحل
وكان الرد جوايه
وشال عنى جبال الهم
وقال لى جمال الشكل مش دايم
جمال الروح تمللى اهم
سرحت وكل احلامى
يكونلى جمال بنوع تانى
قرأت فى كل علم مفيد
وكان نهمى تملى يزيد
اجيب روايات واجيب دواوين
وكان عندى تمللى جديد
بدأت الاقى خلانى بيدعونى
وبيقولوا بتحلى القاعده بوجودى
جمال الروح غلب عودى
ماعدش بينتبهله حد
بدأت احس بين الناس
بأنى فارس الكلمه
مهى الفروسيه دى احساس
اساسه
العزم والهمه
اشعار ** محمود طنطاوى
ليست هناك تعليقات:
إرسال تعليق