هو العيب فينا / بقلم الشاعر أ أحمد سالم

هو العيب فينا
ولا بحاضرنا وماضينا
ولا الأيام بقت قاسية علينا
ولا انتي يا دنيا حالفة لتورينا
ولا نفوسنا مريضة ربنا يشفينا
ولا ظروفنا بقت بتتلاعب بينا
ولا أيه حكايتك ما تفهمينا
*********
أنا شايفك*بتحاورينا
أنا عارفك يا دنيا بتخدعينا
الكل طمعان وأنتي هتفارقينا
أنتي علي ماتش كورة بتفرقينا
احساس بالغربة في حكاوينا
أشياء جميلة اتغيرت فينا
أيه حكايتك ما تفهمينا
***********
شايفك بتغيرينا
بصراع مادي بتلهينا
حتي صلة الارحام نستينا
بمحبة واخاء نداوي مآسينا
خايف تكوني يادنيا بتمحينا
ايه حكايتك ما تفهمينا
هو العيب فينا
***********
ولا انتي بتعاندينا
كفاية خلافات استوينا
ما تردوا السلام يا أهالينا
بابتسامة وكلمة محبة ترضينا
نلم شملنا تفرح شعوب حوالينا
آياكم الدنيا بغرورها تلهينا
ايه حكايتك بس فهمينا
ولا هو العيب فينا
***********
شايفة مآسينا
أنتي غاوية تزعلينا
ما تخففي حمولك علينا
لحظة اجمعي شمل أهالينا
بآجنحة سلام رفرفي حوالينا
انسجي شراع محبة بموانينا
اعزفي لحن بأجمل أغانينا
بآوتار آيامك نغم يشجينا
أيه حكايتك ماتفهمينا
ولا هو العيب فين
************
#همس-بخاطري**بقلم..أ.أحمد سالم**