زعمة يا ليام۔۔۔۔🌹
زعما يا ليام تزهالي
و نطلع و نجنح في العالي
و ننسى الهموم و الي مانع راحة بالي
زعمة
زعمة يا رفيقي يجي نهار و تفهم ضيقي
و تلقالي اسباب و تقول هالمرا قداش قاسات
و يحن قلبك و تبطل تعارك كيما جات جات
زعمة
زعمة يا ربي تتحق احلامي و تشرق شمسي
و يوفى ها النكد و يخطاني زحل و يسيبني
زعمة يا لحباب نتعدى ها العام و يتفتح النوار
و نضحك من القلب على الي تعدى دمار
زعمة
زعمة يجي نهار نحط ززوة عاى النار
و نطيب قهوة ريحتها فواحة من قدام الدار
و نقول اييييه الله لا ترجعها هاك الايامات
قداش قلوب بكات و دمعت العينين و عيات
و ليدين محلولة تدعي في ربي و تتجلى الاهات
والدنبا معجعجة و البخور و الوشق و الداد۔۔۔۔
زعمة
زعمة يا غالي و الغالي ربي تزهى ايامي
و نجري و نغني و السعد قدامي
و الضحكة رنانة و الحنة في اقدامي🌞♥♣
منية بن الامام
من وحي السنة الجديدة🌷
ليست هناك تعليقات:
إرسال تعليق