كلمة في كلمة
( أشياء بالية )
مش هستغرب
وحدتي
واني بواجه
شدتي
ماانت ياما كنت
بعيده عن سكتي
واستكترتي النسمه
اللي جايبه فرحتي
و انا يدوب
لسه شايف سكتي
الجراح ماليه قلبي
مش بتخلص
وانتي جنبي
مش هلومك
او هعتبك
ما انت دايما
كنتي همي
وكنت اعدي
واستني منك
انك تهدي ( تتعاملي بهدوء)
وانت دايما
عايشه تهدي ( تهدمي ).
املي وفرحي
وفي عز فرحي
تعلي حزني
وانا اللي نفسي
في يوم تحسي
اني لازم
اشم نفسي
اتخنقت من
بخل المشاعر
والعمر اللي ضايع
والقلب اللي بايع
والسد اللي مانع
نسمة الحب
اللي جايه
وهوه راجع
لكن خلاص
الجبل اللي انكوي
ناوي يكسر قيودي
ويخلي الصمت
يكسر حدودي
علي كل نقطة
الم نزلت
وكان فيها موتي
واوعدك هعزمك
في يوم حياتي
وارسمك علي
جدران آهاتي
حيه عطشانه
بالسم مليانه
عشان تشوفي
لو ترياق حياتي
هيجري من دمك
هخلي اسمك
عنوان سدودي
ولوهعطش واموت
هكتب علي
حيطان الزمن
ان عمري معاكي
كان أصله موتي
وان الحنان انتحر
في يوم سكوتي
تأليف
وائل أصييييييييبييل
ليست هناك تعليقات:
إرسال تعليق