.......كفايه ظلم .......
كلمات يحيى العبادي
==============
بحبك وانت مش عارف
وعاشقك وانت مش داري
وقلبي عليك انا خايف
وشايل حبي وبداري
انت فاكر اني حجر
والا لابس لبس الغجر
دماغي منك هايفجر
افهم بلاش الظلم تاني
انا جوه قلبي كتير بعاني
عندي كتير ياناس اماني
لو كنت يوم بايدي
اصنع الي يرويك حناني
كفايه ظلم ياناس خلاص
بحبك وانت فين مني
بقولك وانت ظالمني
وبكره علي البعاد تندم
خليك بالبعد حارمني
تفوتني فوت وانا صابر
حاسس احساسي وبكابر
وقلبي بعشق الدنيا بيحبك
ضعيف من جوه وبكابر
حبيبي الدنيا فيها كتير
فيها الاحلام وقلب يغير
فيها الحب الي يتوهنا
انا اهواك قلبي اسير
جايه ليك بكره ايام
تعيش الحب وتحسه
تقول عن هواك نفسه
وتلمس كل شيء جواك
وتعرف أن انا لمسه
بحبك وانت مش عارف
وعاشقك وانت مش داري
وقلبي عليك انا خايف
وشايل حبي وبداري
ليست هناك تعليقات:
إرسال تعليق