خرابين البيوت
الست الهانم الحرمة دي
القاب الزوجة المصرية
لا المكسورة ولا مقهورة
ولاعمرك كنت المنسية
انت عمود الخيمة وتاج
العيلة ولعلتك نبع الحنية
دول نسوان اصلها فاضية
نسوان فارغة ومؤذية
غربان تعوي عماله تهري
لاضمير ولا رحمة ضلالية
برامج تحريض بتبث
سموم فرقة وغل وكراهية
اعملي سوي ليه تتنازلي
خد حقك خليكي قوية
كلمة بكلمة ورد برد اديله
خليكي شديدة وعفية
رأسة براسك زيك زيه اوعى
تهدي هو انت هفية
شياطين بتوسوس لبناتنا
فجرة وناقصين تربية
وحالات خلع وطلاق ياما
وقضايا محاكم شرعية
كم بيت خربتوه ياعقارب
وطلاق ومشاكل زوجية
ليه تخربوا بيوت عمرانه
ستاتهاصابرة ومهدية
هي خناقة بين الازواج
عركة ودقة وحروب اهلية
متقولوا
متقولوا ملكيش غير جوزك
اتفهموا وعملية بحنية
وحماتك اعتبريها امك دى
كبيرة ومحتاجة مراعية
بكرة تدور الايام بيكي
ومرات ابنك هتقول مرازية
متقولوا
اكسبي رجلك بالحيلة بالصبر
وكون هادية ومهدية
بانوثتك وبرقة طبعك
بشويش وهدوء بالمراضية
وفي وشه اضحكي وابتسمي
فكيها متبقيش نكدية
الست برقتها تطبب وتعالج
رقتها احسن مداوية
انما على طول تتعاركوا ده
شغل مجانين مانخولية
الشاعر /عبد المنعم حمدى رضوان
ليست هناك تعليقات:
إرسال تعليق