(انا نسيتها ولا ما نسيتهاش)
انا نسيتها......... ولا ما نسيتهاش
واللي بينا........ انتهى ولا ما انتهاش
كان املي........ حبنا يدوم
ويذيد يوم........ عن يوم
بس الزمان......... ما رحمناش
والخوف.............. ما فرقناش
كان الأمل........... فى عنينا
قمر.................... منور ليالينا
ولفحة دفا.....
فى ليلة شتا....
تضمنا................. وتدفينا
فجأه................. جانا الزمان
ومعاه............... جراح وأحزان
وجرحنا.......... وخد قمرنا من ليالينا
وسرق الفرحه من قلوبنا....... وقتل الشوق فى عنينا
انا نسيتها.......... ولا ما نسيتهاش
واللي بينا....... أنتهى ولا ما انتهاش
إذا كنت انا نسيت...... هى نسيت ولا لاءه
إذا كنت انا قسيت.... يا تري قستها الفرقه
لو الزمان......... يرجعلى من تاني
الشوق والفرحه..... ويداوي جراحنا وينسيني أحزاني
وألاقي فى عيونها....... طريقي وعنواني
انا ابدا ابدا......... ما أبعد تاني
بس يرجعلي........ حبيبي الأولاني.....
دا انا روحي معاه.... وعنه ما استغناش
والحياه........ من غيره صعب تتعاش
احمد ماهر ابو نورا
16 1 1995
ليست هناك تعليقات:
إرسال تعليق