بقلم الشاعر ابوحنفى
بقالى شهور عمال بلف وأدور
كما ساعة بعقارب عملت إعلان
وكذلك الإذاعة دورت في كل
مكان سألت جميع الناس الأغراب
والأصحاب منهم والقرايب محدش
ادانى عقاد نافع ولا واحد فيهم جاوب
بحثت في جميع الأماكن الكومباوندات
منها وحتى جوا الخرايب راح فين
اللى عشت طول عمرى عشانه احارب
واللى في بعده حصلى مصايب حابب
أوصله رسالة ده يعني اذا سمحتولى
ليا عنده عدة مطالب دأنا لفيت عشانه
الكون كله بالطول والعرض وسألت عنه
طوب الارض وكأن حبه أصبح عليا فرض
عقلوه فهموه إنه ممكن يخسرنى للأبد
وياويله منى لو صبرى نفد حد يطمنى
عليه أصله بقاله مدة غايب قولوله بسأل
عليه ازيه وعامل إيه اكتر من كده مش
طالب أكيد مش راح أموت لو عيشت من
غيرها ولا هحيا بكلمة منها لكن لو تحن
عليا يبقى كتر قوى خيرها ولأجل
متزعلش هبطل سخافة وقلش بس
هى ترد ومتتقلش معرفش ماله بقاله
فترة قالب حرمت أعمل فيه مقالب
والله ياما تمنيت انى أخف من حبه
وأنساه ياه وكتير دعيت وياما قولتلكم
ادعولي لو بس فيكم حد يعرف مكانه
قولولى أو حتى حتة من اتره هاتولى
وأمانة عليكم تسلمولى على اللى
راح وقال عدولى
بقلم الشاعر ابوحنفى
ليست هناك تعليقات:
إرسال تعليق