الغربة....... ذل
******
بنتغرب فى بلاد وبلاد
الغربة كلها ذل وأجهاد
يسوى ايه بعدك عن الاحباب
يساوى أيه بعدك عن الولاد
تبقا حياتك عذاب ف عذاب
بيضيع منك زهر الشباب
آملك فى تربية ولادك خاب
موش لاقى للراحة والهنا باب
فكرك مقسوم نصين
موش عارف رايح على فين
لو الغربة جنة أنت حزين
عمرك فيها مش محسوب
نفسك عن الغربة تتوب
لكن أنت على أمرك مغلوب
ماهو أنت ببلدك مش مرغوب
جهدك ومهارتك مش مطلوب
بقيت بلدك ليك أكبر العيوب
خلاص أنت من فكرها مشطوب
خلاص مات بيها جمال الأحساس
حالك بيقول ليها ناس وناس
أنا واللى زاى عليه بينداس
موش فارق معاها مات أو عاش
روحى ليها تساوى بلاش
يابلد م الغربة يالا أرحمنا
بحضنك الدافى أحضننا
تحت ترابك حتى أدفيننا
آه يابلد كفاية تعذيب
شبابك بيدفن فى تراب غريب
اللى عايش بأرضك مش سعيد
أمتى اشوف فيكى يابلد جديد
والا قلبك هيفضل تملى حديد
حضنك هيفضل آمل بعيد بعيد
******
بقلم
عادل جاد
ليست هناك تعليقات:
إرسال تعليق