قالوا غربة
قالوا غربة
قولنا ماشي
قولنا تربة
قالوا ميجراشي
ومشيت فى ظلام الليل
والناس محساشي
وابكى بدمع العين
والناس مشيفاشي
واقول ياعين بطلى بكا
تقول العين مقدراشي
انا ال زمان صرخت
فى غربتي
والناس مسمعاشي
وبقول سيبوني فى وحدتي
اتاري الناس مردياشي
مستكترين عليا وحدتي
انا ال الزمان اخد منى
كل حاجة مخلاشي
وسبني غريب بين الناس
اسمع الحلو منهم
واصدق الواشي
ياريته خدنى معاه
وسره عليا مخباشي
اه يازمن الغربة الصعبة
بتحايل عليك تصبر شوية
ليه ايامك مصبراشي
عايز ايه تاني ما كل
حاجة عندك سبناها
خلاص الروح معيزاشي
غير حضن دافي
يغطيه فى ليل الشتاء
ال لسه مجاشي
عشان يقول حكاوية
لكل الناس السهرانين
فى ليل الوحدة
مطيلاشي
لحظة ونس تقتل
الغربة ال وخدنا بعذبها
ومرحماشي
علي ياقوت
مصر
ليست هناك تعليقات:
إرسال تعليق