....... نوصيك.........
نوصيك يا ولد العم
نوصيك خير وصيه
وماتقول هي فيها ذم
هي فيها خير ليك وليا
سرك ما تقول نبيعه بكم
خبيه لو من السنين ميه
وماتنسى تحفظ الدم
ولو اذوك ألف وألف أذية
وما نوصيك على اهل الرحم
ولو قالوا لك انت ماك أخييه
وما تنسى المحتاج وقت الزم
ربي يآجرك ويرفع بيه عنك البليه
وتوكل على ربي لو عقلك عزم
وقول يا رب عليك النيه
وانت يا رب تزيح الهم
وما تأجل أمرك حتى تجي الصبحيه
واسكت اذا باباك اتكلم
وقول الله يبارك بو الذريه
دبارته من دبارات سيد الامم
الله يخليك والوالده ليا
صغيرك ما تحرمه من العلم
يفيده ويامن له حياة هنيه
وعلمه صنعه تنفعه لو ما وجد ما يخدم
ولو تكسبه من المال شويه
يا صاحبي ما تخطب من جال الدرهم
المال يوفاه الجهل والمنيه
ولا تتزوج من كان باباها في القمم
ما فاد سليمان سلطان سوسة الخشبيه
وماتتزوج من جال زين وخلخال في القدم
الزين يمحيه الشيب ومصايب المنيه
اتزوج من كانت ضحكتها على الفم
وهي على السراء والذراء مربيه
خبزه هي تقسمها الوقت الزمم
وتقول هذي خير من رب البريه
ويا رب بارك في النعم
دعوة والدين وصلاح الذريه
فوزي يوصيكم بكل ما فيه خمم
وان شاء الله ربي يقدر النجيه
فوزي اليانقي
ليست هناك تعليقات:
إرسال تعليق