انتفاضة الحجارة / بقلم الأديب محمد عنانى

انتفاضة الحجاره
==========
شعله قايده وبحراره
لاجل ما تعِيد الكرامه
ع الوطن تزيح غمامه
للعدو هى العلامه
سودا وسوادها بقتامه
مانعه صوت الحق يطلع
ولا نور الشمس يسطع
زرع أخضر ولعوه
طفل يرضع موتوه
لكن الأرض لصاحبها
دول كتير كمان شبابها
قالوا للظالم كفايه
كل ظلم وليه نهايه
يعنى وقت الجد حان
وهوا دا أحسن أوان
قام ولادنا وعن جداره
أشعلوا ثورة حجاره
صوتها عالى وبمهاره
نورت للصبح طاقه
م البطوله والجساره
لاجل م تكَمِل حضاره
قدسنا يِفضَل مناره
===========
  ( محمـد عنانى )