يا إنسان حياتك كلها ..
طولها زى عرضها ..
إعمل إنك ..
مبسوط آيوة ومظأطط ..
خلي الناس فيك بقى تتلخبط ..
إوعي تمسك في الهم و تتشعبط ..
خليك مداري ولو فيها هتستعبط ..
إضحك و لو ف عينك دموع ..
إبكي لو ف قلبك خشوع ..
داري و داوي أى جروح ..
داويها و خليك مش مجروح ..
ما تستسلمش ..
ل أى احزان ..
ما تنمش ..
نوم الزعلان ..
المكتوب مكتوب ..
المشطوب مشطوب ..
أيامك مخطوطة ..
أقدارك محطوطة ..
ع الأرض مظبوبة ..
تنفذها يعني هتنفذها ..
هتعمل مفتح هتخربها ..
كله مكتوب عليك ..
وافقت و لا رفضت ..
حبيت و لا كرهت ..
بكيت و لا إتبسطت ..
زعلت و لا فرحت ..
ما عليك يا إنسان ..
انت مخلوق غلبان ..
التنفيذ هو القدر اللذيذ ..
إوعى من رفض الأقدار ..
تعيش ف لوعة و نار ..
علشان مش من حقك الإختيار ..
نفذ ب دون إنهيار ..
عيش الحياة و لا تحتار ..
نفذ و أمرك لله يا إنسان ..
تعيش ف روعة الأمان ..
طالما من عند ربك أقدارك مكتوبة ..
نفذ قدرك مش هتلاقيها مخروبة ..
نفذها ب كل الأحوال ..
نفذها ب كل الأحمال ..
نفذها ب كل الأطوال ..
أصل طولها زى عرضها ..
أوعى تحسب هتتعب ..
سيبها ماشية هتكسب ..
أخرتها نهاية ..
زى ما كان ليها بداية ..
هذيان قلم :
: محفوظ البراموني :
ليست هناك تعليقات:
إرسال تعليق