خايف
عبدالمنعم عدلى..مصر
خايف
خايف بكرة يجى
وأمشى بعيد
قبل ماأودعك يابلدى
وأشوف فيك
نبتة حلوة
واقفة تحميك
وتصون عرضك
كملوا المشوار
من بعدى
وإفتكرونى بدعوة حلوة
من نبض القلب خارجة
بحبك يابلدى
بكرة هيكون أحلى
رزق ومكتوب لك
وإوعى تستعجل
ياراعى والرعية
فى رقبتك
فكرك لبكرة أحلى
بتبنى فى بلدك
لأجل جيل
وألف جيل بعدك
خايف على نفسى
للفراق يجى بدرى
وأصحى من نومى
وماأشوف مجد
جديد فى بلدى
مد مد العمر يارب
وهات لى الف
عمر فوق الزمان
وأشوف نورك
فوق السحاب
يامصر يابلدى
ياحتة من كبدى
وحتة من موال
أغنيه على السمسمية
ساعة عصريه
تحت صفصافة
على شط نيل هنيه
وأرجع وأقول
الثانية فى حبك
ألف عمر يابهيه
بحبك يابلدى
بقلمى عبدالمنعم عدلى
ليست هناك تعليقات:
إرسال تعليق