يااللي انكتب
حبك علي جبيني
وفي عيونك
سكن قلبي
وسال دمعي
أنا مش ناسي
أيامك ولا غرامك
ياأجمل ذكريات عمري
أنا عاشق
ودايب في هواكي
ودمعتك جمري
أنا شاعر بإحساسك
ومن نبضك
حياة قلبي
ياأجمل حلم
أنا عشته
مكانك جوه
ف النني
أنا كلمة
في كراسك
أنا الغنوه
اللي في راسك
بروحي كتبت
وبقلمي
في محرابك
أنا ناسك
أنا نبضك
واحساسك
بلاش الدمع
في عيونك
يغطي النور
ويبقي بحور
دا ضي عنيكي
فكرني
بجمال الحور
أنا عايش
عشان حبك
وفي بعادك
يزيد همي
أنا فارس
بلاط نورك
أنا سيفك
يا سلطانة
ودولتي إنتي
والفدا دمي
بقلم أحمد سلاطين
29/9/2020
ليست هناك تعليقات:
إرسال تعليق