خواطر بعنوان : ( الخيانة )
الخيانة طبع فيك
مستحيل يوم هشتريك
اوهجفف دمع عينك
اوهخفف كرهى ليك
عشت عمر بين ايديك
قسوة الحرمان ماضيك
جفوة النسيان شريك
حتى فى الاحلام قريك
كل ثانيه دعيت عليك
كل فكرة جريت اليك
كل لهفة حب فيك
مش هبيعك واشتريك
مش هضرك والاااذيك
حته منى جنب منك
اللى م الأيام فاضلك
زى نورك زى ضلك
قلى اخرة صبرى ايه
لاجل فتنة اوجنيه
كل حاقد فرحه نقمه
كل حاسد اخره دمعه
بكرة الناس تقول عليه
انه عاش جبار وبيه
انه جاحد حبى ليه
انه ناكر ظنى فيه
انه باع واشترى همسه
نسمه غابت والالمسة
حتى قلبى ناقم عليه
كل دقة فى قلبى كارهه
اى كلمة من شفايفه
اى لمسة من ايديه
مستقبل فاتح دراعه
رغم اماله ا وضياعه
رغم شراره اواوجاعه
كل اوهامه فى وداعه
كل احلامه فى خداعه
عايش فى وهم كبير
ولاعاد سرى فى بير
كل اسرار حياتى
بالليل مع العصافير
ياخسارة انى فقير
بدون جناح واطير
اوحتى اكون سفير
عندى كرم وضمير
والدنيا فيها اساطير
نظرة تحديد مصير
برضه المآسي كتير
من قلبك باستجير
من نبضك يوم هغير
من فكرك هكون امير
من بعدك هرتاح واسير
شوفت الظلام مصير
عشت كفيف بصير
كفاية بسرعه سير
لاهكون انسان كسير
حلمه نوة ومرير
كنت بشوف الدنيا بعينى
وجنب منى عيون جاحدين
كنت بحس واحب بقلبي
وقريب منى ناس ناكرين
ذنبي اعيش فى الدنيا حزين
آه من غدر البنى ادمين
اغلى صحاب طلعوا قاسين
والاقارب بقوا تعابين
واللى باقى حاله مسكين
وناس بتنهب فى الملايين
كل ظروف قاسية وغدارة
اتعلمنا نحب الثورة
ضدمفاسد جوا امارة
اه لواقول لك
ع اللى فى جره
واللى وضع
امواله فى شيكاره
واللى هرب
واخد له سيجارة
واللى بيصرف بالقطارة
واللى بيسرق
وفاكرها شطارة
والمرتشى
وفى ايده سنارة
واللى سرق احلامنا الحره
واللى هرب اوجرى على بره
ثورة وطبعت فكرة وعادة
ضد الفقر وقسوة زيادة
زى النور للعين وعبادة
حق وضاع زى العادة
جوا ديابة جوا الغابة
جوا ريادة جوا عياده
اطلع بره كفاية ولاده
هى مخاض دنيا وكدابه
هى مرار شربينه بزيادة
والحرمان بقى رمز اشادة
حتى طلاق الدنيا وساده
فنجان قهوه وسكره بره
احلى عبارة حسن مسره
تعويض ربك دنيا واخره
بقلم محمد عباس
الاسماعيليه . مصر
ليست هناك تعليقات:
إرسال تعليق