(هكتب فيك )
بقلم / جمال القاضي
-----------------
هكتب فيك
قصيدة حب
أصرخ فيها بصوت مجنون
صوت بيهز سكون الكون
فيك تسمعني
وتسمع صوت القلب كمان
لما يدق وينبض نبضه
معاها حبك يمشي
جوه وريد ويروح للقلب
فيك تناديني حبيبي
لما ترد
وتسمع مني الصوت
ساعتها تلاقي
قلبي يدق وينسى
ينسى الدنيا
وكل مافيها
وينسى كمان
أي أسامي كان يعرفها
أو كان ينطقها لساني
لأنك أنت
صرت المعنى وصرت الحب
وكل مافيه من معنى جميل
هكتب بحبر مشاعري
غنوه جميله
عنوانها بحبك
بأول سطر من ضمن سطورها
وتاني سطورها
باقي الغنوه
بلمس فيها قلبي حنانك
ويحس بدفئك
يحس بقربك وحتى أنفاسك
ولو مرة أبعد عنك
بيرددها لساني الصبح
بيغنيها في سر وصوت
بتغنيها معايا طيور
ومن حلاوتها
أننسخ منها نسخه جميله
وتفضل جوه القلب
بحروف من نور
بتفكرني بحبك
بتفكرني بليل وأنت
فيه البدر بنوره الساطع
بتفكرني بشمس
وقت شروقها لما
تنشر نورها وينام
على غصن الورد
بعدها يضحك حتى بيشبه
حبك لما يفوح بعبيره
ياخدني معاه في دنيا الكون
أسرح فيك وأتخيل
إنك جنبي وألمس طيفك
وأقول ياحبيبي بكلمة
حرفها ألف أولها تبدأ بيها
وأخر حرف الكاف
بينهم شرح طويل
لمعاني الحب
لو أشرح فيه مايكفيني
أيام وسنين بس المعنى الأجمل
إنك عارف من أول نظره
اني بحبك أنت ولاحبي
عمره ماكان لغيرك أنت
-------------------------
مع تحياتي ( جمال القاضي )
ليست هناك تعليقات:
إرسال تعليق