مواقف صارت مألوفة
------------ د.صالح العطوان الحيالي. العراق. 29 أيلول 2020
الجاهل صار سيد ربعه
والعالم والمثقف كعد بالزوية
الحرامي يلعب بيها لعب
والحر شغلتها يلعب جوبية
وصار مجروح الاسد
ونشطت الواوية
وذياب اطلعت
وكثرت حرامية
والزوري تخيل روحه مثل الحوت
والزرزور ظن نفسة صقر برية
والشواهين هاجرت
والعصافير تحوم ليلية
القط غاب
والفار والجرذي
مسوين حفلة ليلية
والاصيلة ساكته
والكديشة تصهل ليلية
الملح ماعاد يغزر
يخونك لو ترة طعمه ليلية
دلتنة ما بيها كهوة خير
وكمنه اندير خمر والبيرة غربية
ليست هناك تعليقات:
إرسال تعليق