(( قلم ,, بيمحي ,, ألم ))
✍🏻,,,,,,,,,,,,,,,,,,,,,,,,,,,✍🏻
في ناس بتبكي بالدموع
و ناس بتنزف الم
و ناس في لحظة رجوع
بيكون مالكها الندم
و ناس كتير مجبوره
من جرحها ,, مقهورة
و ناس تبان في الصورة
مكسورة زي ,, القلم ,,,!!!
اصل الكلام ف المعاني
و الصدق فيه ,, امانه
كل اللي رحلوا ,, ف زماني
سابوا ,, بصمة ,, و علامة
فيهم اللي قال في العشق
و فيه اللي قال في الدنيا
لكن الكلام ,,, بالصدق
في زمانا ,, حاجة تانية
اصدق مع نفسك ,, و قول
و سيب اللي يقول ,, يقول
ما تقولش ,, مش معقول
و الناس ,, تقول ,, ياما
قول كل ,, اللي جواك ,,,!!!
و سيب بصمة و علامة
ممكن تقول في الحب ,,
كلام خارج م القلب,, يتغني
و قول كمان ,, و كمان
و اكتب ,,, عن الانسان
اللي عاش طول,, عمره يتمني
و احيانا بيتغلب عليك الحزن
بدون تفكير ,, تمد ايدك ,, علي قلمك
و بتخفف ,, م الوجع ,, المك
و بإشتياق ,, تلاقي نفسك
بتاخد ,,, القلم ,,, بالحضن
بتحكيله ,, و تحكي معاه ,, و تشكيله
كأنه صديق ,, كأنه اخوك ,, كأنه أبوك ,,,!!!
كأنه طوق نجاه ,, بيمحي,, كل اللي ياما فاتوك
و دايما تلقي معاه ,, روحك ,, بترجع ليك
و بيهون عليك حالك ,, و بيخرج ,, كل ما فيك
قلم و كتير بتحتاجله و تحكي معاه ,, كأغلي صديق ,,,!!!
بقلم الشاعر ✍🏻 ياسر عبد الحميد ,,,!!!
ليست هناك تعليقات:
إرسال تعليق