بقلمى/ رفعت أبوكريّم (شاعر الصعيد)
بعنوان {الجعجاع} (عاميّة)
*********************
يا عمّ يا جعجاع
تعبت أنا ويّاك
وعاملّى ميت ريّس
عاملّى فيها بتاع
تعبت قلبى معاك
تكدب وبتهيّس
عبّيت دماغى صداع
وفى الأساس طمّاع
واللى شبع لما جاع
حرام يكون ريّس
يا عود قصب مشروخ
طيرت لى اليافوخ
وع الدوام منفوخ
وع الخلق متريّس
اهدأ كده واسمع
اوعك ف يوم تطمع
هتبهدلك الايام
ومحال تكون ريّس
وحط إيد ع الخد
واسمع كلام الجِدّ
لما قالها حكمة بجد
مركب حبال الود
تغرق لازم ولابد
لو ساقها ميت ريّس
***************
رفعت أبوكريّم (شاعر الصعيد)
جميع الحقوق محفوظة
28/10/2018
ليست هناك تعليقات:
إرسال تعليق