الزمان و أنا ..
ب عمر تجاوز ال 1000 عام ..
طريق طويل و بين ضلوعي زحام ..
سألت مرة الزمان ..
ليه خلتني عايش معاك ألف عام ؟؟
رد عليا و قال لي ..
اسكت بلاش أزعل منك إنت كده تمام ..
عايش و إديتك خبرة و لا ف الأحلام ..
عرفتك و فهمتك إن قلبك ك الحمام ..
ب جد و حقيقي مش أي كلام ..
قلمك يقولك و كلامك يصارحك ب اللسان ..
إنت الإنسان و أنا الزمان ..
علمتك من زمان و إديتك الأمان ..
جاي دلوقتي تسألني يا إنسان ..
ليه صاحبتني كل الألف عام ؟؟
عيش حياتك لحد ما يجي الآوان ..
و نقفل الباب و نشطب الدكان ..
الحياة يا إبني زى الدكان ..
كل واحد وقته ينتهي يقفل الدكان ..
و يمشي و يروح و يغادر المكان ..
و ينتهى عليه الوقت والزمان ..
إوعى أسمعها منك تاني ..
عيش حياتك ب تفاصيلها يا فاني ..
بس إياك تكون فيها أناني ..
ده عمرك كله هيخلص ف ثواني ..
تصحبك السلامة بعد إذنك سلام ..
رفعت إيدي ل تحية الزمان ..
تحية التلميذ ل الاستاذ التمام ..
و جلست مع دهشتي ..
إنتظرت أكتب مقالتي ..
و تأملت حالي ب نظرتي ..
ب صمت و ضحكت ضحكتي ..
و تركت المكان و مشيت ب دمعتي ..
ل مشوار الحياة ب كامل بهجتي ..
جوايا أحمال شايلها ب كل قوتي ..
أنتظر اليوم الأخير يوم مغادرتي ..
معايا أثقال حاملها ب كل إرادتي ..
أتحمل الحساب المرير يوم قيامتي ..
هذيان قلم :
: محفوظ البراموني :
ليست هناك تعليقات:
إرسال تعليق