شعر للبيع يامحسنين / بقلم الشاعر محمد أبو الحسن

شعر للبيع يامحسنين
كلمات محمدابوالحسن     
،،،،،،،،،،، ،،،،،،،،،،،،، ،،،،،،،،،،،،
         ياعم ياجزّار
    ممكن تدينى لحمه
    وتاخُدبدل الفلوس
            أشعار
     تاخُد منى قصيده    
   وتدينى مكانهاكِرشه   
       أوفِشَّه أو مُمْبار
      ولوتعطينى كِبده
    هعمِلّك دِيِوان جبار
  زعَق إلجزار فى وِشِى            
     وقاللِى رُوح ياعم     
   إصطبح وقول يانهار
   خلٍّى شِعرك فى عِبّك
دامايجيبشِى كيلوا خيار
    شكلك كده بتتريق    
       وواخدها هزار
   عدِيت على الفكهانى
وقولتله البيوت أسرار
     عندى شِعر جميل
  وكمان بقُول مواويل
      تاخُد الشِعر منى
وتدينى فاكهه بإستمرار
         قاللى يحنِّن
      ماليش فى اللُون
   وده مُش شُغل ناس
             تُجّار
   مُمكن تفرِش بشِعرك   
      جنبِى عالتلِتْوار
وانت ورزقك وربنا ستّار
     قُلت والله فكره
   أعرض بِضاعتى فى   
   الشارع بدل ماأحتار
أكيدهلاقى إللى يفهمنى
   ويقدًّر قيمة الأفكار
وقفت أنادى عالرصٍيف
        واقول ياناس
أنا شاعرمُعجِزه وحرِّيف
وعندى أشعار تناسِبكُوا
     فى الشِتا والصيف
   واللى ياخُد أكتر من
            قصيده
      له واحده مجانى
     فيها كلام عالكِيف
  وعندى نظام ديليفرى
  وتوصيل بأجر خفيف
      ودا رقم تليفونى
    إطلوبونى تجدونى
  مُخْلِص قوِى وشريف
صُوتى إِتنبح من الكلام
     ولاحدقاللى سلام
     ولا القصيده بكام
بس للأمانه واحد قاللى
بتشتغل فىإيه ياظريف
   ياناس أنا تعبان فى
            شِعرى
      حد يشترى منى
      ولوبحق رغيف
ولا الشعر فى الزمان ده
  صبح فى مهّب الريح
وبعد ماكان دهب أصبح 
            صفيح
  الله يعوض علينا فى
             تعبنا
  هنشوفلنا شغله تانيه
هنلٍّم من البيوت ألاوٍيح
    ونوزعها عالأهاوِى
  ونكسب بشكل مُرِيح
محمدابوالحسن