نقاء اللسان ..
أكتب عن الإنسان
اللي ما يتغير أبدا مهما كان ..
يقتل النفاق اللي طاير طيران ..
عمره ب لسانه ما يحرق مكان ..
و لا يقلل من كرامة نفس إنسان ..
لسان يتكلم ..
ب صراحة ب دون ألحان ..
ما يعرف ..
الغش و اللف و الدوران ..
لسان صادق ..
من القلب ب دون ألوان ..
لا رمادي ..
لا متلون ب أي لون كمان ..
ب مشاعر نقية ..
شفافة مفيش ابدا بهتان ..
ب حس صافي ..
دافي أبدا مش بردان ..
لسان ثابت ..
فاهم واعي مش حيران ..
غير ملتوي ..
يقول الحق و لو السيف ع اللسان ..
يخاف من ..
التزويق و التمزيق و لدغة الثعبان ..
مع إنه عارف ..
إن الصراحة ب تزعل الإنسان ..
هو كده ..
عايش ..
يقول الحق ..
و هيموت مش ندمان ..
علشان ..
ماسك ..
ب لسانه الحق ..
و إنه صاحب نقاء لسان ..
ثابت ف أرائه ..
حتى لو اى حد هيفضل منه زعلان ..
المبدأ هو ثرائه ..
ب لسان الصدق مش خسران ..
ب النسبة له ..
مش فارقة المهم يفضل بين الخلق إنسان ..
علشان يعيش ..
و يموت ليه ذكرى ف كل آوان ..
تفتكره ..
الناس ب الخير و كل الإطمئنان ..
و تقول عليه ..
الله يرحمه ده كان إنسان ..
هذيان قلم :
: محفوظ البراموني :
ليست هناك تعليقات:
إرسال تعليق