بكرا جاى
بقلم..مرقص إقلاديوس
..................
داريت الدمع سنين،
و عشت عمرى حزين.
و آمنت ، و صدقت
إن النهاردة قاسى مجنون
بيعذب الطيبين
و لما تعبت بكيت.
أصل أنا،
ياما آسيت.
قلتله ياقلبى كفاية.
خليك زى العصفور
بيغنى و لا بيبكى
غناه أمل مبدور
لقلوب حزينة بتشكى.
و مهما الليل هيططول،
الشمس حتما تطلع.
و مهما بعد الشط،
مصيرنا فى يوم
راح نرجع.
و حق الفرح
يا عينيا ما تبكى.
و حق الجرح
يا قلبى ما تشكى.
غنوا بكرا جاى.
يطوى الليل طى.
بشماله
يداوى الجرح
و بيمينه
شايل فرح.
و بمجيه نبتدى نحكى.
ملاح بحور الحكمة
مرقص إقلاديوس
ليست هناك تعليقات:
إرسال تعليق