حب لم يكتمل / بقلم الأديب الدويدة عبدالرزاق

الجزء التاسع من رواية حب لم يكتمل
رجع احمد إلى بيته فرحا مسرورا وقرر.ان يدعو اباه وزوجته إلى طعام العشاء
احمد،(يدخل إلى المنزل ،)
نورا (جالسة تقرأ الكتاب )
احمد (يسألها ):فين بابا ،؟
نورا:عمي خرج هو ووالدتي
احمد:وام محمود؟
نورا:, في المطبخ عاوزهم في حاجة ؟
احمد:كنت اود ان اعزمهم على العشاء
نورا:,وإيه المناسبة ؟
احمد : تعينت نائب المدير
نورا: مبروك يا احمد
احمد: الله يبارك فيك  يا نورا إيه رأيك نخرج نتعشى انا وانت ؟
نورا: وماما
احمد :خليها علي
نورا:مش حقدر ازعل.ماما
احمد،: تزعليني انا
نورا: ما عاش اللي يزعلك
ام محمود (تخرج من المطبخ وتقول):انت جيتي يا سي احمد
احمد: ايوه يا دادا
ام محمود:احضر لك العشا ؟
احمد:مافيش داعي  حخرج انا ونورا نتعشى بره
ام محمود: ايوه كده يا بني اخرج روح على نفسك
احمد (لنورا):حتروحي معايا ولا اروح لوحدي
نورا: علشان خاطرك حروح معاك
وذهبا إلى الحفلة التى يقيمها المدير على شرف وزير الثقافة   ,الكل حاضر في الحفلة يوسف سعيد كمال وشخصيات أخرى من رجال الأعمال ،تناول كأس عصير ثم بدا يتحدث مع كمال في امور الشباب وترك نورا لوحدها , جاء سعيد وطلب منها أن ترقص معه فلبت طلبه , وبعد انتهاء الحفلة ودع المدير المدعوين  ،ركبا  الطاكسي وظلا صامتين  حتى وصلا إلى المنزل
روحيه: كنت فين يا بنت ؟
نورا: كنت مع احمد
احمد: انا آسف يا طنط  ودتها معايا الحفلة
روحيه،: حفلة إيه
احمد؛:حفلة اقامها المدير
روحيه: ونورا دخلها إيه ؟
احمد،: انا في الحقيقة كنت ناوي اعزمكم كلكم لكني لم اجدكم 
روحيه:خير ما فعلت
احمد: عن إذنكم انا رايح للنوم
وبقيت روحيه ونورا في الصالون تتحدثان
روحيه: قولي لي يا بنت كلمك
نورا: كلمني في إيه ؟
روحيه: يا عبيطة على الخطوبة
نورا:ما اعتقدش انو عاوز يخطبني  لأنه طلب مني ان نبقى اصدقاء
روحيه: اصدقاء يقطعو
نورا ليه شاغلة مخك بالموضوع ده
روحيه:بتسأليني ليه علشان نكوش على الثروة كلها
نورا: حرام عليك يا امي
روحيه:حرمت عليك عيشتك يا بنت
نورا:دعينا من الموضوع ده وتصبحي على خير
روحيه:فقرية زي ابوك الله يرحمو
يتبع
بقلم الدويدة عبدالرزاق