من حكايا الليل
( قمر نيسان )
بعدك صبية غنجك محلّا
بعدو قمر نيسان بيزورك
والعين عم تقني الدني كلّا
مركب هوانا غاب ببحورك
زهر الربيع بعبك تجلّى
والنور شعشع نور من نورك
مرّ الطعم ع شفافك تحلّا
جفنك بطل مندور لثغورك
ماشي ع جرحي حامل الغصة
والحب غيمة صيف مرتاحة
وعيونك الحلوين إلا حصة
فيها عيوني سنين سواحة
يا عمر حاجي تجمع سنينا
من جيبتي بعطي العمر كلو
متل البحر بيحن ع المينا
رايح وجايي الموج بيضلو
بقلمي
نسيم ح حنا
ليست هناك تعليقات:
إرسال تعليق