السبت 29 غشت 2020
هداك لي نبغيه
فين مشيت كنديه
الى غاب نسول فيه
الى مرض نداويه
نطلب ربي احفظو ويخليه
نحميه او نخاف عليه
الى غضب ما نديش عليه
الى حزن نواسيه
الخير بغيتو ليه
عيت نوصي فيه
كلامي ما دار بيه
الى غلط نسامح ليه
نكول ربي اهديه
هجر العش لي بنيتو ليه
أشنو واقع ليه
حتى عيب ما كولتو ليه
الخاطر ما خسرتو ليه
نكول الله إهديه
خليه دبا ليام توريه
الى رجع ما نعقل عليه
حيت مابقيش نتيق فيه
الزجال : عبد القادر بوعساس
ليست هناك تعليقات:
إرسال تعليق