جريح الحب
بقلم محمدكمال
كشف الطبيب على قلبي
وقال بتشكي من إيه
أنا قولت ربي عالم بي
مش عارف أقولك إيه
نزيف بينزف مني
مش عارف سببه إيه
قالي شكلك موجوع
وعنيك غرقانه بالدموع
لكن الأشعه سليمه
وقلبك مافيهش أوجاع
قولت كشفك ضعيف
ولاشوفت مره خداع
ولاشوفت واحد نسي
ولا حتى واحد باع
مسك سماعته وكشف
وسألني عندي صداع 🤕
قولت ياطبيب المبالي
قلبي مليان أوجاع
حس بقى بحالي
أو قولي حتى وداع
أهل الهوى مساكين
عاشقين ومش داريين
والحب طبعاً خطر
وسنينه تبقى ضياع
وقف جنبي الطبيب
واحترت والله معاه
عمال أقول شكوتي
وهو يمسح دمعتي
وحكيتله على قصتي
قال الزمن خداع
آه ياطبيب أنا مالي
مش حاسس باللي جرالي
قال كفايه دموع
وانسى بقى الماضي
وامسح كل الدموع
بتبكي على الفاضي
بتحب اللي مابيحبك
وكنت بيه راضي
وهو دايما بيجرح
وقلبه مش راضي
ارضى بحكم الهوى
جرحك ملهش دواء 💊
محكوم عليك بالموت
مادمت بيه راضي
قال ياما ناس عيانين
وسهم الحب كان قاضي
قضى علي عمرهم
وماتوا على الهادي
بقلم محمدكمال مسلم
شاعر مصر 🇪🇬
ليست هناك تعليقات:
إرسال تعليق