بشر ناكر
********
لما خدمت الشجر أثمر
وجيت أخدم بشر أنكر
سقيته الشهد. والسكر
نكر خيرى وكان جاحد
نشرت المسك والعنبر
وأخلصت الكلام اكتر
وقلت اعمل يجوز يتمر
لقيت خلى ماهش حامد
ومين صان الوداد ياناس
لفعل الخير قمر وناس
تفانى بوده بالإحساس
يكون عابد اله واحد
زرعت الحب بأديا
رويته بمسك حواليا
لقيت الناس ماهش هيا
بقسوة قلب لوح جامد
وليه تخدم نبات يثمر
وليه إنسان كتير ينكر
ماهش حامد ولا بيشكر
كتير طبع البشر جاحد
*******
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق