الأكاديمية العربية المغربية للشعر والأدب

زجلية الــزْهَرْ

~~~~~~~

كْمَشْتْ حَــــــفْنَتْ الزْهَرْ المْعَلَّقْ

ؤُنَيَّلْتْ تْــــــرابْها بْغَرْبــالْ العْمَرْ 

يَــدْ تْــــــغَرْبَلْ وُْعـــــينْ تْبَهْنَسْ

وْقَلْــبْ يْدَنْدَنْ بَــــــوْتارْ غِواني     

لَــــــحْنْ ڭَمْري بَـــحْروفْ تَزْهَرْ

جْــــــمارْها عَطْفا ساكْنَة زْمانْ

بَسْوالَفْ لَــــــبْغو مْغَطْيَ الڭَلْبْ

ؤُســــــاتَرْ عْرا التَّنْهيدا  بْكَتَّاني   

نْفَدْفَدْ بَخْيوطْ حْريرْ الڭَمْـــــرا

المْعَرْسا بَالهْـوى المْعَنَّڭْ العَشْقْ

وَالخْدودْ مْخاوْيا حْروفْ الزِّينْ

مَنْ شَهْدْ الغْرامْ حْلاوَة دَفَّاتْني    

ؤُمَنْ يَعْرَفْ يَــــمْكَنْ هادْ زَهْري    

مَقْســــومْ قَسْمِيا لَبْسا المِيمونْ

ؤمْسَــــرْجا حَرْزْ تْباريڭْ الاَدْهَمْ 

مَنْها تْفوسَخْتْ بَغْبارْ حَـــــرَّاني

ڭَلْتْلِيا الْراسي يا سَعْدْ زْهْــــري   

تْعالى نْوَضِّيكْ بَعْطَرْ مْـــــدادي

ؤُنْزَمَّمْ مَـــــنْ الغْمــــامْ ڭَطْراتْ 

تَـــــرْوي شْحيفْ سَـــرْ ميزاني

ؤْيَــــتْڭادْ تيهالْ زيـــــنْ الهْوى   

نْــــرَشُّو بَالزْهَرْ الفايَـــــحْ هَمَّة

ؤْنَرْخي لْجامْ تَعْصارْ الوَقْــــتْ

نـــــْلوحْ الرْمادْ وَنْكونْ بَــــاني

للْه يا داك الـــــزْهَرْ المْـــــعَفَّرْ  

بـانْ وَلَـــــوْ فْ الخْيالْ المْڭيَّلْ

نـــــْمَتَّعْ فيـــكْ وَحْشْ النَّضْرَة

غيرْ شَـــــوَّرْ ما تْكونْ روحاني

ســـــْبي مَنِّي تَــــعْكالْ الجَّرْيَة    

ؤُتَعْڭازْ جَـــهْدْ عْــــــضَمْ الاَيَّامْ 

خْــــلِّيها تْـــــزوهَرْ وَلَوْ مَـــــرَّة

نْفَـــــرَّحْ مَـــــنَّكْ غَمْزَة تَرْواني

 

ڭَلْـــــتْلِيا ياراسي ماتْلومْــــني

كــــــُولْها وَزْهَرْ كْتــــابو مْزَمَّمْ     

قْـــــنَعْ مَنْ المُــــــجودْ تَــــكْبَرْ

وَتْـــــرَجَّا جودْ العالي يَتْوَلاَّني

بقلم محمد حديش 

        م.ج.ح 

11\10\2021

شرح لبعض الكلمات:

الزْهَرْ أي الحظ

كْمَشْتْ أي نتفت 

ؤُنَيَّلْتْ أي غربلت

عَطْفا أي الحب

لَــــــبْغو أي العشق 

تْباريڭْ أقصد اللمعان

تْفوسَخْتْ أي تبخرت ببخور

شْحيفْ أي شدة العطش

سَـــرْ أي جمال

المْڭيَّلْ أي حر الظهيرة

شَـــــوَّرْ أي مهلا

ســـــْبي  أي إترك 

تَــــعْكالْ أي التعتر