قصيدة انا الزاهد
كنت فاكر اني جامد
الضعف مش بنية
لكنه ضعف القلب لما الخاين عاهد
كنت انا الزاهد
لكني الظاهر أنا كنت بدي الشيء اللي انا ليه فاقد
وكأنها بطاقة طلعت بدل فاقد
وما عدش فيه طاقة أني أكون صامد
علي إيه أنا بعافر وليه انا بسافر لعالمي التاني. وببقي فيه بارد
تخيلوا نبضة لروحي كانت قابضة
والقلب صار شارد
فقابلتها صدفة
يا سلام على النضفة
بقيت انا حامد
وبقيت عليه قلقان مهو أصله بيغيب
نار في القلب توجع وغيابه بيشيب
والناس عليه تعيب بكلام من الجارح ترمي وبتسيب
وانا درعه اللي يدافع في غيابه بالجامد
خايف يا غالي يطول غياب الجافي
وانا درعي يتكسر وأصبح عزول حافي
إزاي هشيل حملك في يوم علي كتافي
تعالي وارجع لي سوا في الهوا نجاهد
نرمي سهام القدر في قلب الجاحد
واللي ينول الصبر يا أهل الله في زمانا نقول عليه عابد
#محمد_ابراهيم_حجاج
ليست هناك تعليقات:
إرسال تعليق