___ كنت فاكر ___
كنت فاكر ___ أيوة فاكر
أني غالي عندهم
وأني قلبي بينبض وسطهم
وأني روحي عاشقة لهم
وأني نبض قلبي هو نبضهم
وأني دمي بيسري في دمهم
كنت فاكر ___أيوة فاكر
أني غالي عندهم
وأني ظلي هو ظلهم
كنت واهم___أيوة واهم
لما أفتكرت أني جزء منهم
وغالي أوي عليهم وأهمهم
مكنتش عارف أني مصدر همهم
وأني موش عزيز أوي عندهم
وانهم عمرهم مافرحوا لي من قلبهم
ولاحتى كنت في يوم مصدر فخرهم
كنت بسمع صوت جحودهم ورفضهم
وبشوف نظرة الكره في عيونهم
مع أنهم مفروض يكونوا
مبسوطييين وفرحانييين
أني لسه واقف و مستحمل ظلمهم
مع أني لسه جوايا بقايا الود لهم
كنت فاكر _____أيوة فاكر
أني غاااالي عندهم
وأني سبب وجودهم وعزهم
وأن من غيرى ماكان يبقى ليهم
وجود ولاينطق أسمهم
كنت واهم لماعشمت
أنهم ممكن يكونوا في يوم سندي
لظهري لماينحني
وأني لسه حناني وحبي بيجري
في دمهم وبيسري في عروقهم
ونبضي هو نبضهم
مكنتش عارف أني دي الحقيقه
وهو دا من البداية طبعهم
بس أنا الوحيد إللي مكنتش شايف
غلهم وجحودهم وقسوة قلبهم
كنت فاكر ___ أيوة فاكر
أني غاااالي عندهم
لكن ياخسارة وألف خسارة
أني في يوم أعتبرتهم نفسي
وأني حته منهم
كنت واهم ___أيوة واهم
لماأفتكرت أني غاااالي عندهم
بقلم /عاطف محمود(مصر)
ليست هناك تعليقات:
إرسال تعليق