:
لمو يا ماه لمو :
( 1 ):
يا ماه قولي لبي دمعي سقى الجراب
قولي له يا ماه لمو باعني لمو للخياب
لموه يا ماه يحسبني ذيبه من الذياب
ورجم بي يا ماه بين أحضان الشعاب
ليت ما تزوجت ليتني راعية للكساب
والا ذبحني قطع لحمي وصل للكلاب
يا ماه أني مريضه زاد فيني الإكتئاب
من صبل بقري يبدأ الحساب والعقاب
يبكوا على قليل عاجور قليل عصاب
لما أشتكي كنني بحلم زاقر بالضباب
ولمن أشتكي يا ماه بكل هذا العذاب
والشاكي لغير الله ما يحصل جواب
( 2 ):
وأيام البرد يا ماه وبوقت القمالل
أقوم الفجر أخبز للأهل والأقارب
وسير أسئب من عين ماء حلائل
ورجع أسارب عند عين الجوالب
وفرح فرح لو لقيت قليل زحالل
من بعد تعب يا ماه بعد مصايب
يا ماه بنتك شاحب قده معالل
كم شصبر يا ماه على العقارب
( 3 ):
أقولك يا ماه والله بنتك ناحل
الشكاء لغير الله يا ماه غلايب
بنتك يا ماه قده شاحب ناحل
والشعر يا ماه قد بيض شايب
( 4 ):
يوم كنت عزب أنقش الحواجب
وتخبي بعذر الشجر والشواجب
واليوم والله بنتك كله جشايب
قولي لبي يا ماه عجز الحبايب
قولي لبي يا ماه مسعدة شايب
كانت عندي تعيش بلا مصايب
واليوم تسئب من وادي غبايب
وقت المطر من تحت المسارب
والناس بلا رحمة قدني تاعب
قولي لبي يا ماه يكفي غلايب
قولي له يا ماه مشتيش غالب
غالب يا ماه قد له دهور غايب
مع خالص تحياتي
عبدالحكيم الناشري
19 أكتوبر 2019 م
19 صفر 1441 هجرية
ليست هناك تعليقات:
إرسال تعليق