((مربعات))
العشم في الله مطلوب
والإستغفار يمحي الذنوب
وإللي تعمله تلقاه
يوم اللقا مكتوب
******
مين إللي قال جوه زي بره
وشجر اللبلاب ع الباب طرح
أموت ميت مليون مره
ولا مره ضنايا ينجرح
******
علي إيه العين تدمع
العين تبكي ع النافع
لا خال ولا عم يشفع
وموت الصغير شافع
******
أوعاك تقول كاري وكارك
عمر القدر ماكان بإختيارك
تجري يمين وشمال وآخرتها
إتحمل وشيل ساعة إحتضارك
******
الشاعر محمد علي فرغلي احمد
ليست هناك تعليقات:
إرسال تعليق