شكرا / بقلم الأديب الدويدة عبدالرزاق

هذه القصيدة بعنوان شكرا وهي بالعامية المغربية
بغيتك أو لحياتي تمنيتك
درتك كلشي. أو بقيت أو تسنيتك
تسنيتك عام او زدتك نص
باش ديري عقلك أو تقربي من قلبي
ولكن قلبك بيا ما عمرو ما حس
هادي حياتي وانا غادي نكون حر فيها
نختار اللي بغيت من البنات او نكون ليها
        أما نتي  يا بنت الناس
      اعطيتك بلا حساب
    او كان جزاتي منك طوفان
    زلزال او شوية تاع العذاب
  صبرت او عييت ولكن للصبر حدود
     وانا يا بنت الناس
   ماغانبقاش ليك
او ما غانبقاش على شاطىء حبك ممدود
      يابنت الناس
    نتحداك تنساي عمري
   نتحداك تنساي حبي
    نتحداك انتي بالذات
انك ما تفكريش فيا او فلحظات
نتحداك مهما عليا تروحي
    أنك تقدري تنسايني
  نتحداك مهما تشوفي
   انك تقدري تجافيني
لأني غادي نكون ساكن بدمك
لأني غادي نكون وحدي همك
,   يا بنت الناس تنقول ليك
انك خسرتيني وانا حر بآهاتي
انك فقدتيني وانا حر في حياتي
     شكرا او شكرا بزاف
شكرا على النهار اللي على قبلو تغيرتي فيه
شكرا على عيد ميلادي اللي تفكرتيه
شكرا على الكادو اللي اعطيتيه
شكرا على حبي اللي دافعتي عليه
شكرا على الوقت اللي ليا منحتيه
     ها ها ها
شكرا من اجل شكرا
شكرا على أي حاجة سراب
تتجمع بيني وبينك
باش في الأخير تقولي ليا انا وانت كنا حباب
راكي غالطة لأن بسبابك
غادي يكون الفراق مصيري او مصيرك
بقلم الدويدة عبدالرزاق