فيق يا راسي
يا راسي فين رواحك
مالك غير مسلك ليام
يا راسي مالك ديما مهموم
كل نهار يزيد نواحك
شبتي وشيبك ما بقالو وقار
تمنيت نشوفك شي نهار ضاحك
نوصيك يا راسي ما تحني راسك
ما تكون عبد ما تكون مداح
الزمان كيف الساعة غادي دوار
الزمان صعيب سفاح
كثرو مصايبو
ما يداويها صبر ولا شريب لقداح
ياك لمعول رايح رايح
وانت مزال كيف اليوم كيف البارح
يا راسي فين تحط لرحال
الخير داير بيك
وانت عزاب سارح
بغيتك تتغير
بغيتك تبدل لمطارح
شمر على دراعك
لا تخلي ميزان عقلك طايح
قالوا عليك كاموني مولف الدق
نعتوك بالجلد المالح
فيق يا راسي فيق
فيق ريوس جيرانك
وريني الصالح من الطالح
توفيق بومدين
ليست هناك تعليقات:
إرسال تعليق