عشكَ كَمرة
*********
أشم عطرة عطر دجلة
نسيم يداعب الكَذلة
وكَصايب شعرج الممدود
مثل نهرين من تجرة
أضمج حيل وبصدري
مثل ما أحضن الطفلة
يهيل ومسج والعنبر
ينور بليلة الكَمرة
رحة هيل والكهوة
يكحل العين والحمرة
غزال من تمر بية
أحسة بكَابي وبنبضة
يورد الجوري والقداح
فاح وينثر البسمة
مثل بردي يهزه الريح
يهزة بطولة وبخصرة
أنتي الوطن وترابة
عراقية أيا سمرة
أنتي نخلة بلادي
يخير واحتمي بظله
أخذ كَلبي اخذ عمري
شنهو العمر من بعده
أذا جابوا ذكر أمة
لساني ينعكَد حرفة
يسارع نبض دكَاته
يطلع كَلبي من صدره
مثل قيس وصرت مجنون
بليلة ونسلب عكَله
أشوفن بالكَمر وجهك
بكاس الماي يتجله
صرت وي نفسي احجي دوم
وطيفك يهمس بهمسة
أتوه وحاير بوصفة
أذا جابو ذكر أسمة
أذا جابو ذكر اسمة
بقلمي
الشاعر العراقي
ياسر يوسف
21/7/2020
ليست هناك تعليقات:
إرسال تعليق