عيش الواقعية / بقلم الأديب الدويدة عبدالرزاق

هذه القصيدة بعنوان عيش الواقعية
مشات الرومانسية
مع روميو وجولييت
ودايدامونة وهامليت
عيش اخويا الواقعية
خرج وقلب على خدمة .
باش تاكل زيتونة واومليت
ما بقى ينفع كلام
في الحب والغرام
والعشق مايوكل طعام
عيش اخويا الواقعية
خليك من الحبيب
وجيب الخبز والحليب
حتى حاجة ما تبقى في الجيب
أش هاذ الميزيرية
الحب كان في الماضي
ودابا الجيب فاضي
ما ينفعك إلى وقفت امام القاضي
تركك اخويا من الرومانسية
عيش الحياة اليوم
راه الحب كاين غير في الأحلام والنوم
قوم اخويا قوم
ذوق حر البرد والشوم
باش تخرج من الميزيرية
خلي الحب لصحابو
ما تدق ما تقرب لبابو
عيش اخويا الواقعية
بقلم الدويدة عبدالرزاق