... *** عمل ايه *** ..
.
أعمل إيه ..
آه ياشباب ..
ياغربة تاهت فى السنين ..
وقلب محروم من حنين ..
يا ضلمة يسكنها الأنين ..
عايز جواب ..
هو ليه الحب غاب ؟ ..
الأبن بيغني عتاب ؟ ..
والحلم جوه الهم شاب ؟
أعمل ايه ؟
عمري .. مافكرت فى شبابي ..
أو دوايا .. أو صحابي
كل فكري .. كان لحلمي
هو قدامي .. بيجري ..
يجرني
وهموم كتيرة .. من ورايا
تخضني
والولد .. مرسوم سند
عمود لبيتي .. يشدني
وانا في الحياة ..
زي طير .. عن سربه تاه ..
والأبن تايه .. فى الضباب ..
الشعر شاب ..
ومافيش صحاب
مليون سؤال .. من غير جواب
فين الشباب ..
عمري ماعشت الفرح
الحزن كان ديما بداية ..
ابتدت من غير نهاية ..
زي عنوان الكتاب
آه ياشباب ..
يافرح عمري .. وانسرق ..
ياهموم وتاهت .. فى الورق ..
شهادات ميلاد .. وعدد ولاد ..
وكشف مصروف .. اتحرق
وسنين عذاب ..
جوه العتاب
فين الكتاب ..
قلبت اوراق السنين ..
لقيتها فاضية ...
والعيون تايهة وماضية ..
طعنة جوة القلب قاضية ..
جرح ينزف .. بالغياب ..
والشعر شاب
آه ياشباب
العمر ضاع من غير تمن
والليل طويل حوه الشجن
والجسم يستنى الكفن ..
حتى الكفن ..
خاصم .. وغاب
والراحة لحظة ..
من سراب
آه ياشباب ..
ياغربة تاهت فى السنين ..
وقلب محروم من حنين ..
يا ضلمة بسكنها الأنين ..
عايز جواب ..
هو ليه الحب غاب ؟
والأبن بيغني عتاب ؟
والحلم جوه الهم شاب ؟
بقلمي الشاعرناصرعطامحمد
بقلمي Nasser Atta
ليست هناك تعليقات:
إرسال تعليق