الحليب / بقلم الأديب الدويدة عبدالرزاق

هذه القصيدة بعنوان الحليب
علاش يا لمغاربة تقاطعو الحليب
وهو فيه الفيتامين والكالسيوم
تمشي لعند الطببب
ينصحك تشربو كل يوم
الحليب عند لمغاربة عادة من العوايد
يتحط في الصواني والموايد
فيه منافع فيه فوايد
سولو عليه الاطباء سولو عليه الدكتور الفايد
يقول لكم الحليب فيه مزية
صالح للجسم صالح للتغذية
يطهر الذات وينقي الرية
نستخرجو منو السمن والزبدة البلدية
يجعل العظام متينة وقوية
عطيوه للصغار
وقدموه للضيوف والزوار
ولا تحرمو منو الكبار
وما تكولوش انو مافيه فايدة
هاديك غير هضرة زايدة
ماقالتها لا سميرة لا عايدة
شرب الحليب الى بغيت تعيش
وخطيك من الكارو والحشيش
هاد الكلام ما فيه تخرشيش
راه الحليب تينصح بيه.
الفقيه والطبيب 
باركة من لعناد
وشربوه للاولاد
يكبرو وتعول عليهم البلاد
بقلم الدويدة عبدالرزاق
٤ماي٢٠١٨